தி.மு.க. தலைவர் கருணாநிதி வெளியிட்டுள்ள இரங்கல் செய்தி வருமாறு:- 1950ஆம் ஆண்டில் சேலம் மாடர்ன் தியேட்டரில் ‘மந்திரிகுமாரி’ திரைப்படத்திற்கு நான் திரைக்கதை-வசனம் எழுதிய காலத்திலிருந்து, நண்பர் டி.எம்.எஸ். அவர்களுடன் எனக்கு நல்ல நட்பு உண்டு. திரை இசை, மக்கள் இசை! அதன் அறுபது ஆண்டு கால வரலாற்றில் வேறு எந்தப் பாடகரும் பெறாத இடத்தை டி.எம்.எஸ். பெற்றிருக்கிறார்.

தமிழ்த்திரையுலகின் மூத்த பின்னணி பாடகர் டி.எம்.சௌந்தர்ராஜன் இன்று காலமானார். அவருக்கு வயது 91. இதயக்கோளாறு காரணமாக கடந்த சில நாட்களாக சென்னை மயிலாப்பூரில் இருக்கும் தனியார் மருத்துவமனையில் சிகிச்சை பெற்று வந்தார். இந்நிலையில் சென்னை மந்தை வெளியில் உள்ள அவரது இல்லத்தில் இன்று காலமானார். 1922ம் ஆண்டு மார்ச் 24ம் திகதி மதுரையில் பிறந்து வளர்ந்த சௌந்தர்ராஜன் தென்னிந்திய திரையுலகின் அரை நூற்றாண்டுக்கும் அதிகமான பின்னணி பாடி இசையுலகின் முடிசூடா மன்னனாக திகழ்ந்து வந்தார்.

அமெரிக்காவில் வசிக்கும் இந்திய வம்சாவளி பிரபல வக்கீல் ஸ்ரீகாந்த் சீனிவாசன். சண்டிகாரில் பிறந்த 46 வயதாகும் இவரை கொலம்பியா மாவட்ட சர்குயூட் கோர்ட்டு நீதிபதியாக ஜனாதிபதி ஒபாமா நியமித்தார். இதற்கு நீதித்துறை செனட்சபை கமிட்டி விவாதித்து 97-0 என்ற ஓட்டெடுப்பில் எதிர்ப்பு ஏதுமின்றி ஒருமனதாக ஒப்புதல் அளித்தது. ஸ்ரீகாந்த் சீனிவாசன் நீதிபதியாகும் இந்த கோர்ட்டு அமெரிக்காவின் 2-வது பெரிய கோர்ட்டு ஆகும்.

பாகிஸ்தானில் இருந்து சென்ற பயணிகள் விமானம் ஒன்று நேற்று (வெள்ளிக்கிழமை) திசைதிருப்பப்பட்டு, லண்டனுக்கு வெளியேயுள்ள ஒதுக்குப்புற ரன்வே ஒன்றில் தரையிறக்கப்பட்டு. இந்த விமானத்தை, பிரிட்டிஷ் விமானப்படையின் போர் விமானங்கள் இருபுறமும் பறந்து சென்று தரையிறங்க வைத்துவிட்டு சென்றன. பயணிகள் விமானத்துக்கு வானில் அச்சுறுத்தல் ஏற்பட்டால்தான், விமானப்படை போர் விமானங்கள் எஸ்கார்ட் செய்ய அனுப்பப்படுவது வழக்கம்.